कटारीमा तरुण दलद्वारा सरकार विरुद्ध राँके जुलुस प्रदर्शन

राजनीति

गृहपृष्ठ
राजनीति

कटारीमा तरुण दलद्वारा सरकार विरुद्ध राँके जुलुस प्रदर्शन

अभिमन्यु लामिछाने शुक्रबार, मंसिर १९, २०७७

उदयपुर , १८ मंसिर उदयपुरको कटारीमा नेपाली काँग्रेस निकट भातृसंगठन तरुण दल ले सरकार विरुद्ध प्रदर्शन गरेको छ । साँझ तरुण दल उदयपुरको आयोजनामा राँके जुलुस सहित सरकार बिरुद्ध नाराबाजी गरेको हो ।

बुधबार तनहुँमा काँग्रेसका बरिष्ठ नेता रामचन्द्र पौडेललाई पक्राउ गरिएको प्रति विरोध गर्दै कटारीमा राँके जुलुस गर्दै सहभागीहरुले सरकार बिरुद्ध नाराबाजी गरेका थिए ।

गृहमन्त्री राजिनामा दे , नालायक सरकार मुर्दाबाद लगायतका नारासहित कटारीको शुभकामना चोक हुदै शुरू गरेको राँके जुलूस गोलपार्कमा आएर कोणसभा गरेर कार्यक्रम समापन गरिएको तरुण दल जिल्ला अध्यक्ष रबीन्द्र खड्का ( सहदेब) जानकारी दिए ।

कार्यक्रमको समापनमा बोल्दै काँग्रेसका क्षेत्रिय सभापति रामकुमार खत्रीले अहिलेको सरकार जनताको काम गर्न असफल भएको भन्दै नेता राम चन्द्र पौडेल पक्राउको खेद प्रकट गर्दै अब कांग्रेस चुप लागेर नबस्ने बताए। कार्यक्रममा नेविसंघका केन्द्रिय सदस्य मिरा कटुवाल ,नेविसंघ नगर सभापति सरोज राउत लगायत काँग्रेसका विभिन्न तहका नेता , विद्यार्थी तथा युवाहरुको सहभागीता रहेको थियो ।

प्रकाशित मिति: शुक्रबार, मंसिर १९, २०७७ १०:३३