पाँच वर्ष भित्र उदयपुरगढी नेपालटार सडक पीच हुने

समाज

गृहपृष्ठ
समाज

पाँच वर्ष भित्र उदयपुरगढी नेपालटार सडक पीच हुने

जनभाव सोमबार, असार १३, २०७९

उदयपुरगढी । आगामी पाँच वर्ष भित्रमा पालिकाको केन्द्र जोडने गढी नेपालटार सडकलाई कालोपत्रेमा स्तर उन्नती हुने भएकाे छ । उदयपुरगढी गाउँपालिका प्रवक्ता सहेकबहादुर विश्वकर्माले जारी गर्नु भएकाे प्रेस विज्ञप्तिमार्फत यस्ताे जानकारी दिइएकाे छ ।

विज्ञप्तिमा भनिएकाे छ, पालिकाले चालु आर्थिक वर्ष २०७८/०७९ को नीति तथा कार्यक्रमसँगै बजेटले लिएका महत्वपूर्ण योजनाहरुलाई संस्थागत गर्दै आगामी आर्थिक वर्ष २०७९/०८० मा निरन्तरता दिने प्रतिवद्धता व्यक्त गरेको छ । आगामी आर्थिक वर्षको बजेटमा नागरिकका जनजीविकासँग जोडिएका योजनाहरुलाई विशेष रुपममा जोड दिइएको छ ।

यस्ताे छ प्रेस विज्ञप्ति

आदरणीय सञ्चारकर्मी तथा पत्रकार साथीहरु !

उदयपुरगढी गाउँपालिकाले आगामी आर्थिक वर्ष २०७९/०८० को लागि नीति तथा कार्यक्रमसँगै बजेट सार्वजनिक गरेको छ । पालिकाको आगामी आर्थिक वर्षको लागि कुल बजेट ७५ करोड १० लाख ११ हजार रहेको छ । जसमा पुजीगततर्फ २६ करोड ३८ लाख ८८ हजार (३५.१४ प्रतिशत) र चालुतर्फ ४८ करोड ७१ लाख २३ हजार (६४.८६ प्रतिशत) रहेको छ ।
पालिकाले चालु आर्थिक वर्ष २०७८/०७९ को नीति तथा कार्यक्रमसँगै बजेटले लिएका महत्वपूर्ण योजनाहरुलाई संस्थागत गर्दै आगामी आर्थिक वर्ष २०७९/०८० मा निरन्तरता दिने प्रतिवद्धता व्यक्त गरेको छ । आगामी आर्थिक वर्षको बजेटमा नागरिकका जनजीविकासँग जोडिएका योजनाहरुलाई विशेष रुपममा जोड दिइएको छ ।
आगामी आर्थिक वर्षको नीति तथा कार्यक्रममा समावेश भएका र बजेटले सम्बोधन गरेका केही योजनाहरु सम्पूर्ण सञ्चारकर्मी तथा पत्रकार साथीहरुमा यसै प्रेस विज्ञप्तिमार्फत जानकारी गराउँदछौँ ।
नीति तथा कार्यक्रम र गाउँसभाले लिएका नयाँ योजनाहरुः
१) गरिबी न्यूनिकरण गर्न कृषिलाई आधुनिकरण गर्दै गरिब कृषकहरुको जीवनस्तर उकास्ने नयाँ योजना निर्माण गरिएको छ ।
२) सरकारी विद्यालयमा अध्यनरत गरिब तथा जेहेन्दार विद्यार्थीहरुको लागि प्राविधिक शिक्षा तर्फ छात्रबृत्तिको व्यवस्था गरिएको छ ।
३) गरिब तथा विपन्न परिवारका नागरिकको स्वास्थ्यलाई मध्यनजर गर्दै निशुल्क स्वास्थ्य विमाको सुरुवात गर्न बजेटको व्यवस्था गरिएको छ ।
४) सम्भाव्यताको आधारमा एक वडा एक महिला उद्यमी उत्पादन गर्न बजेटको व्यवस्थापन गरिएको छ । जसमा स्थानीय स्तरमा भएका कच्चा पदार्थहरुको अधिकतम प्रयोग गरी रोजगारी सिर्जना गर्न बजेटको व्यवस्था गरिएको छ ।
५) पालिकाका सम्पूर्ण सरकारी कार्यलयहरुमा विद्युतीय हाजिरीको व्यवस्था गर्न बजेटको व्यवस्था गरिएको छ ।
६) अपाङ्ग, अशक्त, जेष्ठ नागरिक, महिला तथा बालबालिकाको लागि गाउँ घरमै स्वास्थ्य सेवा पु¥याउन स्वस्थ्यकर्मी कर्मचारीहरुलाई थप सुविधाको व्यवस्था गरिएको छ ।
७) गाउँपालिकामा सेवा लिन आउने सेवाग्राहीको लागि सुविधा सम्पन्न प्रतिक्षलय तथा सेवा प्रवाह केन्द्र स्थापनाको लागि बजेट विनियोजन गरिएको छ ।
८) उत्कृष्ट सेवा दिने कर्मचारीहरुलाई कार्य सम्पादनको आधारमा पुरस्कृत गर्ने व्यवस्था मिलाइएको छ ।
९) स्वास्थ्य सेवामा सेवा दिने र सेवा लिएको औषधी उपचारको विवरण हरेक नागरिकले हेर्न पाउने व्यवस्था मिलाउन डिजिटल प्राणालीको व्यवस्था गर्न बजेटको व्यवस्था गरिएको छ ।
१०) पालिका भित्र विद्युतीकरणबाट बञ्चित रहेका जम्मा २७३ घर तथा विद्युती करणको काम जारी रहेका क्षेत्रमा आगामी आर्थिक वर्ष २०७९/०८० मा विद्युत पुर्‍याउने व्यवस्था मिलाइएको छ ।
११) स्थानीय सडक, भवन, विद्युत, सञ्चार, कृषि, शिक्षा लागयतका पूर्वाधारको दिगो विकास गर्ने बजेट तय गरिएको छ ।
१२) गाउँपालिकाको केन्द्र र वडा कार्यालय जोड्ने सडकहरुको स्तरोन्नती तथा नियमित रेखदेख गरि बाह्रै महिना नै यातायात संचालन गर्ने आयोजनाहरु तय गरिएको छ ।
१३) नेपालटारदेखी द्धारे भन्ज्याँङ्ग जोडने सडक, देउलीकुना देखी रुन्चे भन्ज्याँग जोडने र पर्यटकीय स्थल परेवा झरनालाई पालिका स्तरीय गौरवको आयोजना संचालनका लागि संघिय र प्रादेशिक समपुरक र विशेष अनुदान साझेदारीमा संचालन गर्ने लक्ष्य लिइएको छ ।
१४) पाँच वर्ष भित्र शुद्ध खानेपानी सुविधा प्रदानका लागि एक घर एक धाराको अवधारणा कार्यान्वयन सुरु गर्न बजेट विनियोजन गरिएको छ ।
१५) औधोगिक ग्रामका लागि जग्गा प्राप्ती र विस्तृत अध्ययन गर्ने । गाउँपालिका अन्तर्गतका कार्यालय र विद्यालयहरुको भौतिक संरचना निर्माण तथा व्यवस्थापनलाई क्रमश पुरा गर्दै खेतीयोग्य भुमिको सिँचाईका लागि सम्भावित क्षेत्रहरुको पहीचान गरि आवश्यक पहल गरिने । नेपालटारमा आर्थिक वर्ष २०७९/०८० को बजेटबाट कर्भट हल निर्माण गर्न बजेट विनियोजन गरिएको छ । यसैगरी गाउँपालिकाका वडाहरुमा खेलमैदान निर्माण कार्यलाई क्रमागत योजनाको रुपमा संचालन गरिनेछ ।
१६) पाँच बर्ष भित्रमा पालिकाको केन्द्र जोडने गढी नेपालटार सडकलाई कालोपत्रेमा स्तर उन्नती गर्ने ।
आगामी आर्थिक वर्षको नीति तथा कार्यक्रममा र बजेटमा समावेश भएका योजनाहरुलाई पूर्ण रुपमा कार्यन्वय गर्ने प्रतिवद्धता व्यक्त गर्दछौँ । धन्यवाद !
प्रवक्ता
सहेकबहादुर विश्वकर्मा
उदयपुरगढी गाउँपालिका, उदयपुरगढी उदयपुर