उदयपुर । उदयपुरको रौतामाई – ४ सल्ले र बेलका नगरपालिकामा आगलागीमा हुँदा १६ लाख बराबरको क्षति भएको छ ।
आईतबार बिहान ११ बजेको समयमा रौतामाई गाउँपालिका – ४ पोखरी आलडाँडाका स्थित कमल राईको घरमा आगोलागी हुँदा करिब १६ लाख बराबरको क्षति भएको प्रहरीले जनाएको छ । आगलागीका कारण राईको ढुङ्गा, माटो र फुसको छानो भएको २ वटा २ तले घर र एउटा गोठ जल्दा गोठमा भएको भैंसी १ वटा, सुंगुर १ वटा, कुखुरा ८ वटा जलेर नष्ट भएको छ ।
यस्तै घरभित्र रहेको नगद, सुनचाँदी, अन्नपात, भाँडावर्तन, लत्ताकपडा, काठपात तथा कागाजपत्रहरु जलेर नष्ट हुँदा करिब १६ बराबरको क्षति भएको जिल्ला प्रहरी कार्यालय उदयपुरका प्रमुख (एसपी) भिम दाहालले जानकारी दिए ।
बिहानबाट सुरु भएको आगलागी साझमा मात्र नियन्त्रणमा आएको भएपछि क्षति अलि बढी भएको प्रहरीले जनाएको छ । आगलागीबाट मानविय क्षति भने भएको छैन । यसैगरी बेलका नगरपालिका ३ रातापानीमा सुमित्रा खत्रीको घरमाआगलागी भएको छ ।
खत्रीको ७ बर्षको छोराले आगो बाल्ने लाईटर खेलाउने क्रममा घर नजिकै रहेको परालको कुन्युमा आगलागी भएको हो । आगलागीबाट काठको बेरा भएको टिनको छानो भएको २ तले घर, गाई गोठ, बाख्रा खोर, भाडावर्तन, लत्ताकपडा, अन्नपात, नगद,सुन आधा तोला, काजपत्र , खसी १, बाख्रा १ पुर्ण रुपमा जली नष्ट भएको एसपी दाहादले बताए । मानबिय क्षति भने भएको छौ । आगलागी बाट पन्द्र लाख बराबरको क्षति भएको छ ।
